KIS

रमलू  फकीर अर अम्बानी अमीर का एक बार सूट बैठग्या  बात करण का |

अम्बानी  जी बोले --अच्छा रमलू न्यूं बता अक “किस” करना मेहनत सै अक या मजा सै ?

रमलू  बोल्या --अम्बानी जी क्यूं मजाक करो सो गरीब की गेल्याँ ?

अम्बानी --नहीं रमलू मैं असल मैं जानना चाहूं सूँ |

रमलू बोल्या -- अम्बानी साहब जरूर मजा होगा , नाह तै मेहनत होती तै थाम यो  भी मेरे पै ए करवांदे||  

KUNSEE DAROO

धमलो  --थाम देसी पी कै आवो सो तो मनै पारो कह कै बोलो  सो  |

अर जब अंगरेजी पी कै आवो सो तो मनै  डार्लिंग कह कै बोलो सो

फेर आज थामनै मेरे ताहीं भूतनी अर चुड़ैल क्यूं कहया ?

रमलू --आज स्प्राईट पी कै आया सूँ | सीधी बात नो बकवास ||

SPEAKER

एक बार  की बात मुढाल हल्के  के M.L.A. तहिं  चौधरी बन्सी लाल नै  हरियाणा State Assembly का Speaker बना दिया। जब मुढाल हल्के के लोग उस M.L.A. धोरै  नौकरी मांगन गये, तो वो बोल्या ‘भाई..चौधरी साब नै  मै निरा बाजण  का बना दिया, नौकरी कडे तैं  दयु ‘।

MODA

एक बै  एक बाबा सत्संग करण  लागरया--- , अर कहवै  – मनै  सारी दुनिया देख राखी सै  अर दुनिया की कूण कूण मैं  जा रहया सूँ  ।

इतने मैं  भीड़ मे बेठे रमलू  नै  रुक्का मारया  – रै मोडे क्यूँ जूठ बोले सै  , कदे सुसराड़  गया सै ?

kitne rapayeye

एक बर रमलू चा पीवण एक चा के खोखे पै चल्या गया । बोल्या ---रै नीकू एक चा बनाईये । ईतने मैं उसका याड़ी  कमलू आज्या सै । बोल्या --रै नीकू न्यूँ करिये दो मैं कर ल्याईये । थोड़ी  सी वार मैं एक और याड़ी धमलू आज्या सै । बोल्या --रै नीकू न्यूँ करिये तीन मैं कर ल्याईये । थोड़ा बतलाये । इतनै ठमलू और आग्या । बोल्या --रै  नीकू चार मैं कर ल्याइए । चा पीयें पाछै रमलू बोल्या --रै नीकू कितने रुपैये होगे ? नीकू -- रपैये रुपैये छोड़ तूँ न्यूँ कर ये कप धोज्या।

Ibkai sahi

एक  बै रमलू   का  अर  कमलू  का पड़ोस था | कमलू  का बुड्ढा बाबू मर गया | अर  रमलू  हर लामणी लाग रे थे किम्मे ध्यान ना दिया | कई दिन पाछे :- कमलू  — आ भाई , हाम भोत नाराज सां ,तम मेरे बाबू का गोड़ा मोड्न ना आये |रमलू —– नाराज ना होवे भाई ,इबकै  कोए मरेगा जब आ जावान्गे |

jahar

रमलू  : मनै  जहर चाहिये सै ।

दुकानदार : बिना पर्ची के कोन्या दे सकदा.

रमलू  नै  आपने ब्याह का कार्ड दिखा दिया.

दुकानदार : बस कर भाई ….. रुवावैगा के ….नू बता बड़ी शीशी दू अक  छोटी …?

LATH KEE BHASHA

एक चौधरी साहब के बेटे नै  एक नवाब साहब के बेटे को पीट दिया । नवाब साहब शिकायत करने गए तो बोले—

हुज़ूर चौधरी साहब आपके लखत-ऐ-जिगर ने हमारे नूर-ऐ-चश्म को बड़ी बे-रहमी से पीटा है | आइन्दा के लिए ख़बरदार कर दीजियेगा ।

अगले दिन नवाबजादे ने चौधरी साहब के बेटे को पीट दिया तो गुस्साए चौधरी साहब नवाब को बोले—” देख  रै गाडे, अपने सांड नै  डाट लिए नहीं तै  लठ्ठां  लठ्ठां  देदड दयांगे !”

DILLI KA RASTA

एक बार रमलू  अर दो तीन नए नए जवान रोहतक  मैं  कै  कार लिए जावैं  थे सोनीपत स्टैंड धोरे जाके बिचल  गे  ! एक पुलिसिया दिख्या तो एक नाड काढ कै  बोल्या ---दिल्ली जाना  सै  ! पुलिसिया बोल्या--- तो जा भाई मैं  कुन्सा तन्ने रोकूँ  सूँ  !

रमलू ने ऍफ़ एम् पर कॉल करी……

.

रमलू : मनै  एक बटुआ पाया सै, जिस्मैं घने  ए  रपिये अर्र दो क्रेडिट कार्ड  सैं , अर् इसपै  पता लिख राख्या सै ” रामफल “ का

होस्ट: तो आप रामफल को उसका पर्स वापिस करना चाहते हैं…..बहुत  अच्छी बात है रमलू  जी…

रमलू : हा हा हा हा हा बावला हो रया सै के… मैं तो उसनै एक सैड सोंग डेडीकेट करना चाहूँ सूं !