ICE CREAM

chavanni

दूध मैं पानी

दूध मैं पानी 
एक प्रेमी नै अपनी प्रेमिका तैं कहया," हम दोनों प्यार मैं इसे घुल मिलगे सें ज्यूकर दूध मैं पानी |"
प्रेमिका बोली ," सहज सहज बोलो वर्ना हम दोनों मिलावट के आरोप मैं गिरफ्तार कर लिए जावांगे |"

--

रोला अठन्नी का

रोला अठन्नी का 
एक छोरे नै दूसरे छोरे ताहीं कहया ," इबै इब मनै एक अठन्नी मिली सै |"
दूसरा छोरा बोल्या ,' वो तो मेरी थी |"
" झूठ मने तो दो चवन्नी मिली सें |"पहला बोल्या |
दूसरा बोल्या ," हो सकै सै अक मेरी अठन्नी पड़ कै टूट्गी हो अर दो टूक होगे हों |"

समझ अपनी अपनी -----

समझ अपनी अपनी -----------------------------------------------
एक बूढी महिला नै इंडियन एयर लाइन्स के दफ्तर मैं फोन करया अर बूझ्या ,
" दिल्ली तैं कलकत्ता जवान आला जहाज कितना टेम लेवै सै ?"
"एक मिनट |" कहकै एयर लाइन्स का कर्म चारी अपनी समय तालिका देखण लाग्या |
दूसरी तरफ तै आवाज आई ," धन्यवाद " अर महिला नै फोन धर दिया |

अपनी सोच -

अपनी सोच --------------------------------------------
दो ट्रक डलेवर एक संग्राहलय देखण चले गये | उड़े एक कंकाल पर लिख्या था," बी सी १५६० |
"शायद यो ट्रक तैं दब कै मरे औड माणस का कंकाल सै |" एक डलेवर बोल्या |
" हाँ ! अर यहाँ उस ट्रक का नंबर भी लीख राख्या सै "| दूसरे डलेवर नै सैड दे सी कहया |

कितना दम आंगली मैं

कितना दम आंगली मैं --------------------------------------
दफ्तर जावन की खातिर चौधरी साहब तिमंजली मंजिल तैं उत्तर कै जीने तैं नीचै आये | लाइट ना होवण करकै लिफ्ट काम नहीं करै थी | अपनी पत्नी ताहीं टा टा करण ताहीं उप्पर देख्या तो पाया अक उसकी पत्नी आंगली के इशारे तैं उप्पर बुला वै सै | चौधरी साहब हांफते हांफते तुरन उप्पर पोहंचे अर बूझ्या ," के बात होगी ? क्यूं बुलाया ? पत्नी मजा लेकै बोली ," कुछ बात ना थी , मैं तो देखूं थी अक इस एक आंगली मैं कितना दम सै |"

सलाहकार हरयाने के --

सलाहकार हरयाने के ------------------------------------------
एक युवती नै अपनी सहेली ताहिं कहया ," म्हारे हरयाणा मैं कितनी फिजूल खर्ची करी जावै सै ब्याह मैं | शादी के दिन लड़की का घर इतना सजावन की अर बैंड बाजे बजावन की के 
जरूरत सै |" 
दूसरी बोली ," जरूरत सै पहचान की खातिर, ताकि दूल्हा किसे दूसरे घर मैं ना जा घुसे|"

सपना फीमची का -----------------------------------------
एक फीमची --मैं सोचूँ सूँ अक प्रधानमंत्री पड़ सम्भालन की खातिर दिल्ली चाल्या जाऊं |"
दूसरा फीमची --- फेर उत जा कै करैगा के ?इब्बी तो मेरा इरादा प्रधानमंत्री पद छोडन का सै ए कोनी|" 

RAMLOO AND GALIB

रमलू अर ग़ालिब ---------------------------------------------------

रमलू नै अपने बेटे ताहीं कहया ," बेटा किसी संस्कारी  घर  का बालक इतने गंदे शब्दों का इस्तेमाल नहीं करता | 

तूं भी मत करया कर |

" पर बाबू ! ये तो ग़ालिब के शब्द सें |" बेटे नै सफाई दी |

"ठीक सै ! आज तैं तूं उसकी साथ खेलना बंद करदे |"रमलू नै उल्गे कालजे तैं कहया |

BETE KEE TRAKKEE

बेटे की तरक्की ------------------------------------
ढोलू नै अपनी पत्नी भीमो ताहीं कहया ," म्हारा बेटा आजकल बहोत तरक्की करण लागरया सै 
|भीमो कूद कै पडी अर बोली --" वो क्यूकर ??"
" पुलिस उस ताहीं पकड़न की खातर जिस इनाम की घोसना करी थी उसकी रासी दस हजार तैं बढ़ा कै बीस हजार करदी |"ढोलू नै मांच कै जवाब दिया|

PHOTOGRAPHAR

फोटोग्राफर की इसी तीसी होरी सै ---------------------------
रमलू नै अपने दोस्त कमलू तैं बूझ्या अक ," यार के बात सै आजकाल भाभी अक्सर चुपचाप रहवै सै ?"
कमलू बोल्या ," असल मैं एक दिन जब हम दोनों फोटो खिचवा वन लागरे थे तो फोटोग्राफर नै तेरी भाभी ताहीं कह दिया अक जब आप चुप रहती हैं तो एकदम कैटरीना कैफ लागो सो |

JOOTE CHOR

जूते चोर --------------------------------------
मंदिर मैं पूजा करण गये एक आदमी की जूती किसे नै मंदिर महां तैं चोरी कर ली | वो माणस जाकै शमशान घाट मैं बैठ ग्या अर बोल्या ," मैं उसनै कित ढूंढता फिरूंगा ? आखिर एक दिन तो वो यहाँ आवैएगा |"

boojhe bina

मेरे तैं बूझे बिना -----------------------------------
बहु ने खुश होकर अपनी सास ताहीं बताया अक काल मनै एक लाटरी का टिकट खरीदया था | आज उस पर एक लाख रपईये का इनाम मिल्या सै |
सास गुस्से मैं भर कै बोली , " इनाम नै छोड़ पहलम न्यूं बता अक मेरे तैं बूझे बिना तनै एक  रपैईया   खर्च क्यूं करया ???

TWENTY RUPEES

बीस रपईये मैं चार
रमलू नै स्टूडियो के फोटोग्राफर तैं बूझ्या -- बालकां के फोटो किस रेट पर खींचो सो ?
फोटोग्राफर नै बताया ---" बीस रपईये मैं चार" 
रमलू बोल्या," ठीक सै ! मैं बाद मैं आऊंगा | इब्बे तो मेरे बस तीन ए बालक सें |

Pahalwan

पहलवान ---------------------------------------
एक बूढ़े पहलवान नै भीड़ को संबोधित करते हुए कहया ,'मेरे मैं इब्बी उतनी ए ताकत सै , जितनी जवानी के दिनों मैं थी '
"वो क्यूकर "एक माणस नै बूझ्या |
वो बड्डा सा पत्थर देख रहे सो ना , मैं उसनै जवानी मैं भी ठाया करता , इब्बी ठाऊँ सूँ | 
वो न तो तब उठता था और ना इब उठता मेरे पै "

Nalayak Beta

नालायक बेटा 
एक औरत नै अपने बेटे तैं कहया ,' तूं एकदम नालायक सै | अपने बाबू के चल चलन तैं कुछ तो सीख ले |'
'के मतलब सै माँ तेरा ?'बेटे नै हैरान होकै बूझ्या |
तनै बेरा कोनी के | तेरे बाबू के आछे चाल चलन के करकै ए तो जेल आल्यां नै उनकी आधी सजा माफ़ करदी |

FOTO DEKHOON SOON

रमलू अपनी घर आली तैं बोल्या -- री भगवान ! तूं जो अख़बार पढ़न लागरी सै वो उल्टा सै |
घराली सैड दे सी बोली ," तो के हुया ? मैं इसनै पढूं थोड़े ए सूँ , मैं तो फोटो देखूं सूँ |

bias

" चरागाह मैं घोडा और गाय घास चार रहे हैं -- इस वाक्य मैं के गलती सै ? मास्टरजी नै छात्रों तैं बूझ्या |
" इस मैं लेडीज फर्स्ट " के सिधान्त का पालन कोनी करया गया " एक छात्र नै जवाब दिया |

AMIR FAKIR

रमलू फकीर अर अम्बानी अमीर का एक बार सूत बैठग्या बात करण का |
अम्बानी जी बोले --अच्छा रमलू न्यूं बता अक" किस करना" मेहनत सै अक या मजा सै ?
रमलू बोल्या --अम्बानी जी क्यूं मजाक करो सो गरीब की गेल्याँ ?
अम्बानी --नहीं रमलू मैं असल मैं जानना चाहूं सूँ |
रमलू बोल्या -- अम्बानी साहब जरूर मजा होगा , नाह तै मेहनत होती तै या भी थाम मेरे पै ए करवांदे||