YA KE BAAT HUI

या  के बात हुई
रमलू  पढ़ाई मैं  रद्दी  था ।   आठवीं जमात मैं  चार बर फेल हो लिया तो एक दिन उसका पडौसी कमलू बोल्या -- रमलू तूँ चार बर फेल हो लिया एक जमात मैं । तेरी उम्र मैं तो मेरा बेटा धारे नौकरी लाग लिया था । रमलू बोल्या --कमलू  दूसरयां गेल्याँ तुलना नहीं करया करदे ,न्यूँ तो तेरी उम्र मैं मेरा ताऊ राम नै प्यारा हो लिया था ।

किस्सा जल सै यो तो निरा पाणी सै

रमलू जमा अनपढ़ । एक दिन शहर मैं चाल्या गया । उ डै एक आदमी जल सेवा करण  लाग रया  था । वो मानस रमलू तैं बोल्या --ले भाई जल पी ले । रमलू  नै बेर नहीं था अक जल के बला हो सै । रामलू नै सोच्ची अक पी कै तो देख ल्यूं  अक यो जल के बल सै । रामलू नै उस मानस धोरै एक गिलास जल ले लिया अर दो तीन घूँट भर कै  बोल्या --जा मेरे यार यो किस्सा जल सै यो तो निरा पाणी सै । 

एक घूँट 
धमलो  अपने छोरे नै लेकै बस मैं बैठ कै रोहतक जावण लागरी थी । रह मैं छोरा रोवण लाग्या तो धमलो दूध की बोतल उसके मुंह कै लाकै बोली ---ले बीटा दूध पीले डाक्टर बण ज्यागा । बराबर आली सीट पै बैठया भरतू धमलो की बात सुनकै बोल्या --ताई एक घूँट मनै बी प्यादे के बेर मेरा बी कंमपाऊँडरी मैं नंबर आज्या ।

samachar

समाचार
रमलू  अपने खेत मैं पाणी लावण लाग रया था । रेडियो चला कै डोले पै धर राख्या था । रेडियों मैं एक औरत समाचार सुनावण लागरी थी अक दिल्ली मैं तूफ़ान आग्या अर कलकते मैं बाढ़ आगी । इतने मैं रमलू नै देख्या अक गैल सी नै बंधा टूट्या पड़या सै अर पाणी फुल्ले के खेत मैं जावण लाग रया सै । रमलू नै गुस्सा आग्या अर रेडियो कै ऊपर खींच कै कस्सी मारी आर नयों बोल्या -- झकोण इतनी दूर दूर की बतावान लागरी सै  यो गैल नै बंधा टूट्या पड़या इसकी बतान्दी हाण के तेरा मुंह दुखै था ।

माला मॉल होज्यागा

माला मॉल होज्यागा
रमलू नै गाम मैं दवाईयां की नयी नयी दुकान करी थी । एक दिन उसकी दुकान पै ठमलू आया अर बोल्या --- रमलू मेरे पेट मैं गैस घनी बनै सै । कोए बढ़िया सी दवाई दे दे नै । रमलू --या तो बहोत आच्छी बात सै ठमलू । आज काल गैस बहोत महंगी होरी सै तूँ  गैस के सिलंडर भर कै बेच दिया कर । माला माल होज्यागा । ठमलू --रै रमलू मजाक की बात कोन्या ।  मेरे पेट मैं गैस के गोले से पाटें सैं । रमलू बोल्या --यो तो और बी चौखा ये गोले युद्ध मैं काम आज्यांगे ।

धोखा होग्या

धोखा होग्या 
रमलू कमलू रोहतक मैं पढ्या करते । भरत कालोनी मैं रहया करते । एक दिन रमलू अपने  याड़ी कमलू तैं बोल्या ---यार कमलू आज तो मेरी गेल्याँ कसूता धोखा होग्या । कमलू ---इसी के बात होगी भाई ? रमलू बोल्या -- मनै मेरे मौजे लयावन खातर घर तैं  पीसे मंगवाए थे पर घर आलयाँ नै मौजे ए भेज दिए ।

लाम्बी उम्र

रमलू की  घर आली धमलो रमलू तैं बूझन लागी --- कोए इसा तरीका बता जिसमें माणसाँ की उम्र लाम्बी होज्या । रमलू  बोल्या माणसाँ  नै ब्याह कर लेना चाहिए । धमलो बोली -- इसतैं उम्र लाम्बी होज्यागी ? रमलू --ब्याह करे पाछै लाम्बी उम्र होवन का तो बेरा ना पर उननै लाम्बी उम्र लागण लाग जयागी ।

PHD

RAVAI KYOON

BAVLEE BOOCH

RANDVE

SASTA ILAJ

HANSAI SAI

NATKHAT CHHOREE

LEN DEN KEE CHINTA CHHOD

DOODH AUR DIMAG

man tai main e hosai

KURTA PAJAMA

TEESREE SAWAREE

CHAUTHA BAYAH